-Uè, ma che state cumbinanno?
-‘O dice a me?! Che ne saccio che stanno facenno… ‘A cosa bella è che ‘ncopp’ ‘a fatica me sfotteno tutti quanti. E io nun saccio c’aggia dicere!
-E che vuò dicere Nicò?! Vuje ‘overo state facenno manc’ ‘a chiavica! Ma tu ‘e capito ca vuje vuliveve fa presidente da’ repubblica a Gino Strada!? E secondo te Gino Strada ‘ncopp’ ‘o fatte de’ vaccini e ‘ncopp’ ‘o fatto ‘e sti nave nun v’aveva sputà ‘nfaccia!?
-Uagliò m’ho faje stu cafè ca vaco ambressa…
-Ma stu reddito ‘e cittadinanza po’ comme è jute a fernì?
-Oh, e che te pienzo ca faccio ‘o sottosegretario?! Che ne saccio… Mò se ne parla ‘a settembre.
-Eh, ma chille settembre è arrivato…
-Comunque ca prossima finanziaria facimme coccose… Cuonce cuonce! Te penzave ca jemm’ ‘o guverno e poh… facemmo tutto ca bacchetta magica?
-Ma mò all’Ilva ‘a facite chiudere? (silenzio) E ca Tav che facite? (silenzio) E ‘o gas llà ‘a Puglia?…
-Pascà, ma tu stammatina me vulisse rompere ‘o cazzo?! Io che ne saccio ‘e tutte ‘sti cose ca vai dicenno? Mò risulvimmo stu prublema de’ migranti, e l’europa… ca nunn’è facile vire…
-E ‘o ponte?
-Eh! Pure ‘o ponte! Chillo so’ state pure sfurtunate… Comunque, parlammo ‘e fatti serie. ‘E visto che bellu Napule aiere sera?
-Prontoooo il caffè!