-Mamma mia è cumm’ire brutte quann’ire giovane!
-Ma pecchè mò è bello!?
-E pure hai ragione…
-Ma che l’he mise a fa chella fotografia ‘ncopp’a fesbucc?
-Ce vo’ ‘o curaggio uagliò!
-Ma vuje nun capite niente: sfida accettata… chill’è ‘o fatto!
-Quale fatto?
-‘O fatto da’ sfida… Tu sì acciett’ ‘a sfida… significa che tiene curaggio.
-E ce vo’ curaggio pe’ pubblicà ‘na fotografia ‘e mmerde?!
-E certo! Scusate se mi intrometto, ma accettare gli anni che passano è uno dei più difficili capitoli della grande arte di vivere!
-Vabbè prufessò, ma chille faceva schifo sia da giovane che cumm’ ‘o vedite mò!
-Pronto il caffeeeee…
-Oh e che allucche…!?
– Io allucco? Ma vuje dicite nu’ sacco ‘e scimità… Qua sfida vaie truvanne? Quella cosa era una cosa per il cancro, per sensibilizzare ‘e capito?
-Eh… e io… No, nunn’ ‘o sapevo! Tutti ‘a mettevano e l’aggio mise pur’io… Ma comunque sì me vene ‘o tumore l’addà sapè che io ‘a sfida l’accetto! Va buono? Ma po’ tu fatte ‘e fatte tuoje e va fa ‘o cafè!
-(dopo una pausa) Tonì, però io dico ca è meglio sì ‘o tumore nun venesse ‘a nisciuno.
-Eh… hai ragione!
-E comunque sient’ ‘a me… levala chella fotografia… Stai proprio ‘na chiavica!
-E pure dice buono! Mò vaco a casa e ‘a levo. Sfida accettata Nicò!
-Ciao Tonì.
17 marzo 2017