– Uè Tonì ‘e mis’ ‘a fotografia do’ nonno ‘ncopp’ ‘a facebook?!
– Ma quale nonno?
Il barista che ovviamente ascolta tutto, mentre mette i piattini per le tazze del caffè sul banco, interviene…
– Quella è n’app pe’ te fa vedè comme addiviento quanno te fai viecchio!
– ‘Overo?
– Eh Pascà, ‘overo!
– Gesù, e nun t’abbastava comme fai schifo mò, Tonì!? Tieni bisogno ‘e sapè quanto farai schifo ‘a viecchio?!
– Ha parlato Mallonbrand…
– Ma sì chell’a gente fa di tutto pe’ s’apparà ‘ncopp’ ‘a chelli fotografie… pe’ parè cchiù giovane, cchiù bella! Tu invece vuò parè cchiù viecchio?! Muglierema, pe’ te dice, quanne se fa ‘e selfi fa ‘a vocca a culo ‘e gallina pecché dice che accussì nun se vede ‘o faccione ca tene… Che io l’acceressa proprio quanno veco cierti fotografie ca mette!
– Pascà ma tu che vaje truvanno da me stammatina? Me vuò ‘ntussecà ‘a jurnata?!
Con il solito tempismo il barista mette il caffè sui piattini, gridando.
– Prontiiii… uno in vetro poco zucchero e uno schiumato in tazzaaaa!