-Famme ‘nu cafè bello forte!
-Ch’è neh stammatina nun te vulive sosere?
-‘O anema tutt’a nuttata scetate… aggio avuto l’incubi! Aggio pigliate suonne ca fore steva già schiaranne!
-‘E mangiato pesante ‘aieressera…?
-Macchè… è che mente steve pe’ m’addurmì, ‘a muglierema che le vene a mente e m’addimandà?! “Giuvà, ma dimane accummenciano ‘e mondiali?” ‘O anema do’ priatore… Me sò aizate mmiez’ ‘o lietto cu ll’uocchie sbarrate! Dimane accumenciano ‘e mondiali e nujie nun ce stammo! L’avevo cancellato stu fatto! Aggio accumminciato ‘a vuttà tant’ ‘e chelli jastemme a Ventura, a Tavecchio e a tutte ll’anime ‘e chill’e vive…
-Eh, hai ragggione… ‘e mondiali senz’all’ Italia nun se po’ sentì… Che cazzo facimmo mo’ nuje ‘a sera?!?
-Io aspettav”e mondiali pe’ me cagnà ‘a televisione ca chille metteno sempe le offerte quanne ce stann’ ‘e mondiali… ‘na bella 70-80 pollice… l’avevo già squadrata…
-No ‘e chi s’è vere ‘sti partite!?! Pe’ me ‘ntussecà ogni sera? P’ammor’ ‘e ddio! Mannaggia ‘a chella chiaveca ‘e ventura addò stà mò!
-Caffè ristretto pronto al bancoooo… Jamme ca stasera ce verimmo l’Arabbiasaudita!
-Vafammoccasorete tu e l’Arrabbiaesaurita!
14 giugno 2018