-Uè allora sì’ pronto pe’ l’elezioni?
-Ch’elezioni? Nuje mò avimmo vutate!
-‘E comunale… ‘A maggio
-Uff ancora addà venì Natale… se ne parla all’anno nuovo.
-Nossignore! Chist’è ‘o mumento… M’hanno fatto ‘a proposta e me mettere ‘ncandidato.
-Overo?! Che cinche stelle?
-Ma qua stelle vaje truvanne! Cu’ Salvini.
-Cu’ Salvini!? Ma tu fino a ieri ce rutt’ ‘o cazze tu e ‘e cinque stelle… Mò vaje truvanno ‘a Salvini?
-Vabbuò chell’è ‘a stessa cosa… Sti cinche stelle nun contano niente… Una cosa avevana fa’ e manco chella te faccio vedè ca’ riescen’ ‘a fa’! Invece Salvini è tuosto… E po’ Pascà, Salvini è l’unica speranza mia. Stamm’ ‘a sentì buono, ca chesto te riguarda pure a te ca staje int’ ‘a stessa condizione da’ mia: io, cumme stanne ‘e cose mò, vaco in pensione tra dieci anni e otto mesi… praticamente aggià murì. Salvini dice “quota cento”. Siente bbuono… significa che io tengo già 32 anni ‘e servizio… tra quattro anni stonco in pensione! E secondo te nunn’aggià dicere “noi con Salvini”?!?
-Aaahhh t’he fatt’ ‘e cunte precise…
-E certo… e che so’ fesso! Uagliò, Salvini è l’unica speranza e chille ‘e l’età nosta!
-Ma fino a marzo dicive ca erano ‘e cinche stelle…
-Ehje… ma allora nun capisce?!? ‘E cinche stelle erano ‘a speranza pe’ figli mjei ca nun faticano… allora co’ reddito ‘e cittadinanza coccose s’apparava… Ma ccà nun se ne parla proprio… E po’, ccà ‘e viste chi so’ sti cinche stelle ca stanno po’ miezo?!? Tutta gente ca nun conta niente… hanno fatto semp’ ‘e sfasulate… Na vot’ ‘a ccà, na vot’ alla’… Senza un’idea precisa!
-Ah certo… nun fanno pe’ te… Pigliat’ ‘o cafè oj ca si nò se fa’ friddo!