In fila alla cassa del supermercato
(due giovani signore di quelle che si portano adesso, con le unghie imbizzarrite e il resto)
– Oh, aroppe t’ha già dicere ‘nu raggiunamento ca m’aggio fatto, pe’ sapè sì me l’aggio fatto buono.
– E ‘o vuò sapè da me?!
– Eh, ma doppo… è ‘na cosa delicata.
– Ma io comme te pozze dicere sì ‘o raggiunamento tuojo è buono o no!?
– Eh… (si guarda intorno, circospetta e, come se io non esistessi perché intorno non è avanti) Maritemo, ‘o saje, è cumpagno a Giggino, ‘o ‘nnammurato ‘e Filomena…
– E allora?
– L’ata sera so’ jiute a se mangià ‘na pizza e dice che l’arrivaje ‘ncopp’ ‘o telefonino ‘na chiamata ‘e ‘na certa Patrizia. Maritemo, ‘o strunzo, aroppe l’addimandaje e Giggino le dicette ca è una ca ‘nce sta ascenno… ch’è pure spusata!
– ‘Overo?!?
– Eh, ma m’arraccumando… chille maritemo m’ha fatto giurà che nun l’aveva dicere a niscuno!
– Ma qual è ‘stu raggiunamento do’ tuojo, me fai capì?
– Io e Filomena simmo amiche strette proprio, mò avimma partì pure pe’ Scalea assieme… Secondo te io nun nce l’aggia dicere stu fatto?!? Io aggio penzate ca ‘nce l’aggia dicere!
Tu comm’ ‘a raggiunasse ‘o posto mio?
– Terè, io nun voglio sapè niente… cheste so’ cose delicate assaie… Po’ nu’ dimane dice “chell’ ’o sapeva pure Maria…” Neh ma tu che me l’he ditto a ffa’ ‘sta cosa!?!
– Ma che sì scema! Io mica vaco dicenno ca te l’aggio ditto! T’ho giuro…
– Eh comm’ ‘e giurato cu mariteto! Jammo muovute fa’ ambressa. Svacante stu carrello ‘ncoppo ‘lloco ca aggià ij a casa ‘a cucinà ch’è tardi!