-Pascà e stammatina ‘o cafè nun ce l’avvimma piglià?!
-Allora nunn’ ‘e capito?! Restare a casa, evitare di circolare se non per esigenze inderogabili.
-‘O cafè sarebbe inderogabile Pascà! Sto pazzjanne. Mò è proprio ‘o mumento ca c’avimma chiuder’ ‘a into.
-Bravo! E nun t’avvicinà assai Nicò… staje luntano.
-Pascà io a tutti chisti ccà che nun tenene nu cazzo ‘a fa e vanno giranno, nunn’ ‘e supporto. Te pozze dicere na cosa?! Io sì saccio ‘e qualcuno ca nun rispett’ ‘e regole ‘o denuncio.
-E fai bbuono…
-No e pecchè io so’ tre juorne ca so’ state chiuso a into e già nun c’ha faccio cchiù! Tu ‘e capito: muglierema, ‘e criature…
-A chi ‘o ddice! Ma chille, sì nun ce fermammo tutti assieme pe’ quindici giorni… immobili, int’ ‘e case noste, senza circolà, e si circolammo, senza e c’azzeccà uno cu l’ato… Nicò, alluntanete, comme te l’aggia dicere?!… Si nun facimm’ ‘accussì, ‘e quinnece juorne nun passano mai… se spostano sempre cchiù a llà! (l’altro non risponde, è pensieroso) Nicò!? Nicò che stai penzanno?
-No Pascà, penzavo a chelle ca he itto! E me so’ persuaso ca io, sì veco a qualcuno ca circola senza esigenze inderogabili, nunn’ ‘o denucio…
-Ah, no?!
-Nossignore! ‘O piglio proprio a mmazzate! “Strunzo, pe’ colpa toja io me sto’ n’ati quinnece juorne int’ ‘a casa?! Ma vafa’ int’ ‘a…” (il suono del cellulare lo blocca) Pronto? Che vuò? Mò saglio! (riaggancia) Me ne vaco Pascà… Era Maria c”a miso ‘ncopp ‘ ‘o fuoco ‘a machinetta do’ cafè! Statte buono.