– Io l’aggio vutat’ ‘e cinche stelle, almeno cagnammo nu’ poco…
– Si vabbuò ma tu ‘e capito che chille nun capiscene niente? Si fanno lloro ‘o guverno te faccio vedè che succede…
– Peggio ‘e mò certo nun putimmo stà!
– Ah vabbuò t’aggio capito pure a te…
– Sì almeno mettimm’ ‘a gente onesta, pure sì so’ incapace so’ onesti… e cheste mò ce serve a nuje… onestà… cu tutti sti’ mariuoli ca s’hanno magnate all’Italia… Uèuè m’ho faje stu cafè che tengo ‘a machina fuori posto e vaco ‘e presso ca sto in servizio…
– Stai faticanno?
– Sì sì, ma me so’ venuto nu’ mumento a piglià ‘o cafè…
– Nu’ mumento? Tu stai ‘a Nucera…!?
– E vabbuò sta ‘o collega ca mm’appare…
– (il nuovo avventore) Neh stanne ‘e vigili ca fanno ‘e multe… spustate ‘e machine…
– Oh va spust’a machina ca’ stanne ‘e vigili…
– Che me ne fotte… tengo ‘a machina ‘e cainateme… co’ tagliando de’ disabili ‘a coppe… Muovete a te cu stu cafè…
– Pronti i caffè…
– E che me fischiano chiste?! ‘O anema bella… manc”o cafè… Statte bbuono… onestà, onestà… mò verimme sì nun cagne tutte cose!
7 marzo 2018