– Pascà e che fai cu sta mascherina?
– Gennà, io l’aggia mise n’ata vota a juoco! Chille ccà nun te fanne capì manco ‘o cazzo: chi dice ‘na cosa, chi ne dice n’ata…
– E ma cu stu coronavirùss hanno fatto sempe accussì… Da febbraio ca nun ce fanno capì niente!
– Ma a me sai che me fa ji ‘nfreve?! Aiere aggio sentuto nu poco ‘o dibattito ca ‘o ministro, coso llà, Speranza, ha itto “arrivammo fino al 31 luglio e po’ se vede”.., embè se so’ aizate gente ca nun tene manco ‘a terza media, peggio ‘e me, e facevano tutti ‘e maste: ‘o distanziamento nun serve, ‘a mascherina jettatela, il virus s’è indebolito, il virus s’è trasfurmato, il virus ‘e chi ve sona! Ma che cazzo ne sapite vuje si manco ‘e scienziate c’hanno capito niente!?
– Aggio ‘ntiso ‘a uno che ha detto: “Troppe informazioni nella televisione!”
– Eh, ce n’hanno purtate…
– Pascà io sai che penzo: che avevana piglià a tutti sti scienziate, virologi, dottori e cumpagnia… anziché de’ purtà int’ ‘e televisioni, e chiurevano a tutti quanti int’a nu campo sportivo: “tanno ascite ‘a lloco quanne ve mettite d’accordo e comme cazzo è stu fatto!” Nunn’è che v’inventate ‘e cose o date l’opinione da vosta! Se siete scienziati dovete avere dei dati, dei fatti ca diceno: è accussì o nunn’è accussì!
– Hai ragione… E si nunn’ascevano cu ‘na sola capa a parlà, jettaveno ‘a chiave do’ campo sportivo e ‘a llà into nunn’ascevano cchiù. Me piace stu fatto, Gennà…
(il barista arriva con il caffè)
– Jamme ca stammatina ‘o dibattito è alto livello! Tenimmo a n’ati dduje scienziati: uno in vetro poco zucchero e l’altro macchiato… prontiiii…
– Ooohhh ma quanta vote t’aggia dicere che ‘a matina nunn’e alluccà!?